Kryeministri Edi Rama këtë vit shënon plot 6 vite në pushtet, edhe ende flet sikur të jetë në muajt e parë të marrjes së mandatit.
Ditën e sotme ai ka paralajmëruar një përshkallëzim të ri në kuadër të luftës kundër korrupsionit.
Ai madje arrin të nxisë edhe studentët që të denoncojnë abuzuesit, duke vënë si këmbim tarifën zero dhe duke iu ofruar bursë 1 vjecare në këmbim të provave.
Ky është një diferencim i hapur i nxënësve që po bën kryeministri pasi dikush që do të bëjë këtë denoncim do të favorizohet hapur më shumë se ai që ka aftësi, studion por nuk është në gjendje të bëjë një denoncim të tillë, për mungesë provash apo edhe për mungesë dëshire.
POSTIMI I KRYEMINISTRIT EDI RAMA
“Koha për një përshkallëzim të ri kundër korrupsionit! Po punojmë për një program nxitjeje kundër heshtjes dhe denoncimit me provë abuzuesit. Një ide në diskutim është: Çdo student denoncues që sjell provë për presion korruptiv nga kushdoqoftë, zeron tarifën e merr bursë njëvjeçare!”, shkruan Rama.
