“Pse ma more pasagjerin?” zbardhet sherri mes dy taksistëve në Vlorë

Policia ka dhënë detaje nga plagosja e ndodhur në qytetin e Vlorës vetëm pak minuta më parë.

Mësohet se përplasja ka ndodhur mes dy taksistëve të cilët ishin të vendosur në lagjen “24 Maji” pranë stacionit të trenit.

“Molla e sherrit” ka që një pasagjer dhe aty të dy këta shtetas kanë filluar të debatojnë dhe më pas të përplasen edhe fizikisht.

Si pasojë e konfliktit është dëmtuar dyshohet me kaçavidë shtetasi K.B., 44 vjeç, banues në Vlorë, i cili po merr ndihmë mjekësore në Spitalin e Vlorës, jashtë rrezikut për jetën.

Policia  bën me dije se e ka identifikuar autorin dhe po punon për kapjen e tij.