Lirimi i tre pronarëve të kompanive të biletave nga Gjykata e Shkallës së Parë të Tiranës është ankimuar në Apel nga prokurorët e çështjes.

Prokuroria kërkon kthimin në burg të Ferdinand Ibrahimit, Fatos Vrapit dhe Anastas Ibrahimit, djali i Ferdinandit.Tre pronarët e kompanive u liruan nga gjykata pasi lane garanci pasurore.

Gjykata e Tiranës dha masën e sigurisë pak ditë më parë për tetë të arrestuarit, që falsifikuan abone dhe bileta në linjat e transportit publik në Tiranë.

Gjykata ka vendosi masën: Fatos Vrapi, 60 vjeç – arrest shtëpie, Albana Vrapi, 51 vjeçe – arrest shtëpie, Evisa Vora, 33 vjeçe – detyrim paraqitje, Lulezim Allaraj, 47 – vjeç arrest me burg, Aldi Duka, 39 vjeç – arrest me burg, Klodian Qato, 42 vjeç – arrest shtëpie. Anastas Ibrahimi – arrest shtëpie si dhe babai i tij Ferdinand Ibrahimi – arrest shtëpie.

Arrestimi i këtyre shtetasve u bë pasi dyshohet se duke bashkëpunuar me njëri -tjetrin kanë falsifikuar bileta të transportit urban në kohë dhe periudha të ndryshme, me qëllim shmangien e detyrimeve tatimore dhe përfitim financiar të disa shoqërive operatore në trasportin urban në qarkun Tiranë.

Këta shtetas përdornin bileta urbani të falsifikuara dhe jo të prodhura në Shtypshkronjën e Letrave me Vlerë, të cilat i kishin hedhur në qarkullim duke përfituar shuma të konsiderueshme monetare. Nëpërmjet këtyre veprimeve i kanë shkaktuar shtetit një dëm të madh ekonomik, i cili do të përllogaritet në vazhdimësi nga strukturat e Drejtorisë së Përgjithshme të Tatimeve.

Gjatë kryerjes së veprimeve procedurale, janë sekuestruar në cilësinë e provave materiale 150 000 bileta urbani të falsifikuara, vënia në përdorim e të cilave kap vlerën 6 000 000 lekë të reja.

Policia e Shtetit bën me dije se ka sekuestruar 150 000 bileta urbani të falsifikuara, vënia në përdorim e të cilave kap vlerën 6 000 000 lekë të reja.