LIGJET E BIZNESIT
Prokuroria e Tiranës ka nisur hetimet për përhapje të informatave të rreme që ngjallin panik në publik
Hetimet mbi lajmin e djeshëm, ku thuhej se në mbrëmje vonë pritej që vendi të goditej nga një tërmet i fortë, çka shkaktoi frikë dhe panik tek qytetarët, nisën pas referimit të çështjes nga Drejtoria Vendore e policisë Tiranë, bëjnë më dije burime për Dosja.al.
Grupi hetimor po kryen veprimet për të evidentuar bazën e nxjerrjes së këtij informacioni të rremë dhe autorët.
NJOFTIM PËR MEDIA:
Prokurorja e Përgjithshme znj. Arta Marku kërkoi nga Pokuroria pranë Gjykatës së Shkallës së Parë Tiranë, vlerësimin e menjëhershëm ligjor në lidhje me dyshime për përhapjen në publik të informatave/njoftimeve të rreme që ngjallin panik dhe pasiguri tek qytetarët.
Zyra e Shtypit pranë Prokurorit të Përgjithshëm
Përmes një titulli bombastik, Syri.net botoi dje një lajm të transformuar nga Top Channel, në të cilin thuhej se sipas sizmiologut grek Akis Tselentis, duke përhapur panik për një tërmet në 23.30 me një fuqi 6 magnitudë, pra më i fortë se ai i te shtunës që ishte 5.8.
Lajmi u përhap në të gjithë mediat sociale duke nxjerrë njerëzit të alarmuar në rrugë. Tirana u mbush me qytetarë që dolën në Sheshin Skënderbej, në pedonale dhe kaluan natën nëpër makina. Kryeministri Edi Rama e quajti lajmin kriminal dhe kërkoi reagimin e fortë të strukturave shtetërore.
