Policia jep detajet nga plagosja e kambistit në Kavajë, kush është autori i arrestuar (EMRI)

Detaje të reja kanë dalë nga plagosja me armë zjarri që ndodhi sot në Kavajë.

Policia bën me dije në informacionin zyrtar se ka shoqëruar në Komisariat 33-vjeçarin Fitim Baboçi pasi ky i fundit plagosi me breshëri automatiku kambistin Rexhep Tare.

I plagosuri Rexhep Tare, 53-vjec, u dërgua në spitalin e Durrësit për ndihmë mjekësore dhe ndodhet jashtë rrezikut për jetën.

Mësohet se plagosja ka ndodhur për motive të dobëta.

NJOFTIMI ZYRTAR I POLICISE

Shoqërohet autori i plagosjes me armë zjarri në Kavajë. Sekuestrohet edhe arma e dyshuar e krimit. Rreth orës 11:10 në Kavajë, në lagjen nr 2, për motive të dobëta, është plagosur me armë zjarri shtetasi R. T, 53 vjeç, i cili u dërgua në spitalin Rajonal të Durrësit për ndihmë mjekësore jashtë rrezikut për jetën.

Autori i dyshuar i ngjarjes shtetasi F.B, 31 vjeç, nga Kavaja po shoqërohet në Komisariat, për veprime të mëtejshme. Është sekuestruar edhe arma e dyshuar e krimit, një armë zjarri kallashnikov. Grupi hetimor ndodhet në vendngjarje,ku po vijon punën për sqarimin e mëtejshëm të rrethanave të ngjarjes.