Policia aksion ‘blic’ në Jug, arrestohen 7 persona në Tepelenë dhe 2 gra në Lazarat (EMRAT)

Policia e Gjirokastrës ka zhvilluar një aksion ‘blic’ në orët e para të mëngjesit të sotëm në Lazarat për zbulimin e kanabisit të mbjellë.

Burime bëjnë me dije se në dy banesa brenda në fshat janë zbuluar nga 40 rrënjë kanabisi. Konkretisht në banesën e Shkëlqime Rabaj u zbuluan 20 rrënjë kanabisi dhe po kaq edhe në oborrin e banesës së Bejeme Totos.

Pas kësaj forcat policore kanë shoqëruar për në Komisariatin e Policisë dy gratë, njëra prej të cilave e moshuar dhe priten të ndërmerren procedurat ligjore ndaj tyre.

Ndërkohë, një tjetër operacion po zhvillohet nga Forcat Operacionale në Tepelenë, ku deri më tani janë arrestuar 7 persona.