LIGJET E BIZNESIT
Edhe ditën e sotme ka vazhduar përplasja midis kryetarit të Bashkisë së Tiranës Erion Veliaj dhe ministrit të Turizmit Blendi Klosi përsa i përket lejeve mjedisore.
Dje kryebashkiaku Veliaj ka ‘thumbuar’ Klosin duke kërkuar që të shkrihen Inspektoriatet e Mjedisit në vend pasi janë struktura të korruptuara dhe kjo kompetencë të kalojë te bashkitë.
Klosi ka kthyer përgjigje gjatë një konference ku ka folur për turizmin, ku ndër të tjera u shpreh se me ligjin e ri për lejet mjedisore janë prishur dëshirat dhe lakmite e një kryebashkiaku.
“Ndryshimi i ligjit ka prishur shumë interesa, ka ndryshuar shumë rregulla. Është e vërtetë se vendosja e rregullit ka shkaktuar shumë probleme dhe ka prishur interesa. Por është e mirë që parqet që ka na falur zoti t’i mbrojmë. Vlerat e tyre janë shumë më të veçanta se dëshirat e një kryebashkiaku, sepse duke qenë e bukur është shumë e lakmueshme. Duhen aktivitete që nuk dëmtojnë agro-turizmin dhe natyrën.” , u shpreh Blendi Klosi.
Kryetari i Bashkisë Tiranë, Erion Veliaj sulmoi hapur dje Blendi Klosin. Shkak është bërë kërkesa e Veliajt që lejet e mjedisit t’i kalojnë bashkive e t’ju hiqen inspektoriateve. Ai hodhi edhe akuza indirekte tek Klosi dhe tek dikasteri i drejtuar prej tij, duke i quajtur inspektoriatet “Struktura të korruptuara”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
