Përdhunoi dhe vrau aktoren e njohur, 20-vjeçari dënohet me burgim të përjetshëm (FOTO)

James Todd, 20 vjeçari që përdhunoi dhe vrau komedianen Eurydice Diyon, është dënuar me burgim të përjetshëm.

Todd u shpall fajtor vitin e kaluar për sulmin e dhunshëm ndaj aktores 22-vjeçare.

Todd e përndoqi komedianen për më shumë se 1 orë përpara se ta sulmonte në një park në Melbourne, qershorin e vitit të kaluar. Ai priti derisa Eurydice arriti në një zonë të errësuar. Komediania po kthehej për në shtëpinë e saj, pasi kishte performuar në një klub në qytet.

Dixon kujtohet nga publiku si një komediane e talentuar në fillimet e karrierës së saj.

Vdekja e saj shkaktoi hidhërim dhe debat në Australi në lidhje me sigurinë e grave.

Komisioni për të drejtat e njeriut në Australi është shprehur se në vend ka një shkallë të lartë të dhunës ndaj grave.

Sipas shifrave të qeverisë, 1 në 5 gra dhe 1 në 20 burra kanë përjetuar dhunë seksuale ose kërcënime që nga mosha 15-vjeçare.