LIGJET E BIZNESIT
Parandalohet një tragjedi e mundshme në Manati të Lezhës.
Mësohet se Forcat e Armatosura kanë gjetur dhe sekuestruar 74 predha të kalibrit 150 mm në një zonë të banuar, secila me peshë rreth 50 kg.
Lajmi është bërë i ditur nga ministrja e Mbrojtjes Olta Xhacka, ndërsa sipas vlerësimeve paraprake dyshohet se këto predha i përkasin Luftës së Dytë Botërore.
Ministrja shkruan se këto predha janë transportuar tashmë në një polygon ku dhe pritet të asgjesohen.
“Forcat e Armatosura parandaluan një tragjedi në Manati të Lezhës. Xhenierët tanë larguan nga zona e banuar 74 predha të kalibrit 150 mm, secila me peshë rreth 50 kg, sipas vlerësimeve paraprake, të Luftës së Dytë Botërore.
Arsenali i predhave u zhvendos për t’u asgjësuar në një poligon të posaçëm, ndërkohë që, prej fillimit të vitit, xhenierët e FA kanë kryer 75 operacione në të gjithë vendin, duke asgjësuar rreth 16 ton municione të rrezikshme”, shkruan Xhaçka krahas videos së operacionit të FA në Facebook.
