Pamje nga sherri / Ja si u rrah me grushta burri i Besa Shahinit me deputetin e Vetëvendosjes (VIDEO)

Tre javë më parë në emisionin Pressing në T7 e cila zhvillohej në ambjentet e kolegjit AAB në Fushë-Kosovë, një qytet pranë Prishtinës në Kosovë, u bë një debat televiziv midis kandidatit për deputet nga radhët e PSD-së, Dardan Molliqajt dhe kandidatit për deputet nga radhët e Vetëvendosjes, Haki Abazit.

Pas një debati të nxehtë brenda studios së Pressing i cili moderohej nga gazetari Leonard Kerquku, debati midis dy kandidatëve vazhdoi edhe në ambjentet e jashtme të kolegjit AAB, përleshje e cila eskaloi në dhunë fizike.

Pas tre javësh Gazeta Sinjali në Kosovë ka arritur që të sigurojë pamjet filmike të kamerave të sigurisë brenda ambjenteve të kolegjit AAB, teksa dallohet qartazi momenti kur konfliktohen fizikisht dy kandidatët për deputetë.

Kujtojmë se Dardan Molliqaj, ish Sekretari Organizativ i Lëvizjes Vetëvendosje, tashmë pjesë e Partisë Social-Demokrate të Kosovës (PSD), është njëkohësisht edhe bashkëshorti i Ministres së Arsimit në Shqipëri, Besa Shahinit, e emëruar nga kryeministri Rama pas ikjes së ministres Lindita Nikolla gjatë protestave studentore të zhvilluara në Tiranë gjatë dhjetorit të këtij viti.