Ambasada e SHBA në Tiranë ka reaguar pas vendimit të opozitës për të dërguar përfaqësues në tryezën e përbashkët për Reformën Zgjedhore, të thirrur nga OSBE.
SHBA vlerëson kështu vendimin e opozitës për tu ulur në këtë tryetë dhe shton se me këtë vendim kryetari I Partisë Demokratike Lulzim Basha demonstroi udhëheqësi të vërtete.
REAGIMI I AMBASADES AMERIKANE
Shtetet e Bashkuara mirëpresin vendimin e partive opozitare për të dërguar përfaqësues në konferencën për reformën zgjedhore bashkërenduar nga parlamenti dhe Prezenca e OSBE-së në Shqipëri. Ne përshëndesim Kryetarin e Partisë Demokratike Lulzim Basha që thirri një takim të opozitës dje. Përpjekjet e tij demonstrojnë udhëheqësi të vërtetë mbi një çështje thelbësore për forcimin e mëtejshëm të institucioneve demokratike të Shqipërisë.
Shtetet e Bashkuara mbështesin miratimin e reformave të nxitura nga ekspertët zgjedhorë të OSBE/ODIHR në mënyrë që Shqipëria të mund të zhvillojë zgjedhje që janë të lira nga shtrëngimi, trysnia politike, dhe blerja e votes. Populli shqiptar nuk meriton asgjë më pak se sa kjo
