Ditën e sotme, ambasadori i OSBE-në Tiranë, Bernard Borchardt do të zhvillojë një takim me kryetarin e PD Lulzim Basha në orën 15:00.
Ky takim vjen një ditë pas tryezës së përbashkët që ka thirrur OSBE për Reformën Zgjedhore.
Të gjitha partitë politike janë të ftuara nga OSBE për të marrë pjesë në këtë tryezë gjithëpërfshirëse.
Partia Demokratike dhe aleatët ende nuk kanë marrë një vendim nëse do të marrin pjesë apo jo në takimin e thirrur nga OSBE, lajm ky që pritet të konfirmohet në vijim.
Kujtojmë se kryeministri Edi Rama e ka ftuar pak ditë më parë opozitën nëpërmjet një letre të gjatë ku shprehej se liderët e saj duhet të bëheshin pjesë e kësaj tryeze për Reformën Zgjedhore.
