Nga sot hyn në qarkullim 200 dhe 5000 lekëshi i ri, ja ç’do të ndodhë me kartmonedhat ekzistuese

Duke u nisur nga dita e sotme, data 30 shtator 2019, do të hyjnë në qarkullim prerje të reja të kartëmonedhave.

Banka e Shqipërisë ka ndryshuar serinë e kartëmonedhave që qarkullojnë në treg, duke hedhur gradualisht 6 prerje të reja.

Ndonëse në 30 shtator do të hidhen në qarkullim kartëmonedhat e reja 200 dhe 5 mijë lekë, Banka e Shqipërisë thotë se kartëmonedhat ekzistuese do të vijojnë të përdoren krahas atyre të rejave, duke u hequr nga tregu gradualisht.

Kartëmonedhat kanë një prerje të ndryshme, ndërkohë që figurat historike të vendosura në to janë të njejtat.