Partia Demokratike ka zhvilluar homazhe në nderim të Azem Hajdarit, në 21-vjetorin e vrasjes së tij.
Homazhet janë mbajtur te memoriali i liderit të dhjetorit që ndodhet pranë selisë blu.
Të pranishëm kanë qenë kreu i Partisë Demokratike Lulzim Basha, ish-kryeministri Sali Berisha dhe familja Hajdari.
E pranishme ishte dhe Rudina Hajdari, e cila duket se nuk ka refuzuar të jetë pjesë e homazheve për të atin, ndonëse nuk është më pjesë e kësaj force politike, pasi vendosi të mos djegë mandatin.
Më herët Hajdari kreu homazhe te Varrezat e Dëshmorëve, ku shoqërohej nga deputetët e opozitës së re si dhe disa deputetë të PS.
