Në Gjirokastër arrestohet një drejtor i LSI, Tavo tregon rrengun që i punoi kryebashkiaku i ri

Pasditen e djeshme mediet njoftuan për ndalimin e drejtorit të Agjencisë së Mirëqënies dhe Kujdesit Social në Gjirokastër, Armand Mamani.

Në lidhje me këtë ngjarje ka reaguar edhe ish-deputeti i LSI për këtë qark, Vangjel Tavo.

Përmes një postimi në facebook, Tavo shkruan se ky është një sulm i ultë i orkestruar nga kryebashkiaku i ri i Gjirokastër, Flamur Golemi.

Postimi i plotë i Vangjel Tavos:

Palo kryetari i ri i Bashkisë Gjirokastër, i cili në votimet më moniste të 30 qershorit, ku kandidoi përballê vetes, arriti rekordin për numrin më të vogël të votave nga partia që përfaqëson dhe ata 1500 votues që i detyroi me forcë ja quajtën votën e pavlefshme pasi nuk mund të bëheshin zare të këtij gaztori.

I kompleksuar me rekordin e votave më të ulëta, ky gaztor nisi shkarkimet politike. Armand Mamani, Drejtor i Agjencisë së Mirëqënies dhe Kujdesit Social u përball ditën e dytë të punës së kryetarit gaztor me një audit të befasishëm kontrolli, i cili nuk gjeti asnjë shkelje. Ndërkohë u sajua një histori e turpshme për lidhje të paligjshme energjie elektrike.

U bëj apel organeve të drejtësisë të mos përdoren politikisht dhe të mbrojnë të vërtetën duke mos u bërë pjesë e arrogancës dhe hakmarrjeve të kryetarit gaztor të paligjshëm, të dalë nga zgjedhje anti-kushtetuese, dhe me rekord të paparë dështimi votash.