Ndizen prozhektorët e “Arenës Kombëtare”

Na ndajnë më pak se dy muaj nga ndeshja me Andorrën dhe stadiumi kombëtar ka testuar sistemin e ndriçimit.

Mbrëmjen e së premtes, janë ndezur për herë të parë prozhektorët e stadiumit të ri që po ndërtohet në kryeqytet.

Ka qenë anëtari i Komitetit Ekzekutiv të FSHF, Arben Dervishaj, ai që ka publikuar në faqen e tij në “Facebook” fotot e stadiumit.

Pak ditë më parë, Dervishaj u shpreh për A2 cnn se në muajin nëntor stadiumi do të jetë gati për ndeshjet ndaj Andorrës më 14 nëntor dhe 3 ditë më pas ndaj Francës.