“Ministra me vëllezër trafikantë” Tahiri ‘shpërthen’ në sallën e gjyqit, shigjeton Fatmir Xhafajn

Dalin detaje të tjera nga dëshmia e ish-ministrit të brendshëm Saimir Tahiri në seancën e sotme gjyqësore.

Tahiri ka deklaruar se nuk ka asnjë gjë që e lidh me Habilajt, përvec faktit që u ka shitur makinën.

Ndër të tjera ish-ministri ka ironizuar edhe pasardhësin e tij Fatmir Xhafaj duke u shprehur tërthorazi se “ka ministra që nuk kanë mbajtur përgjegjësi për vëllezërit e tyre” duke iu referuar kështu Agron Xhafajt, vëllait të ish-ministrit Fatmir Xhafaj, që u përfshi në dosjen Babale.

Unë mbaj përgjegjësi për vëllezërit e atij që i shita makinën. Jam këtu i pandehur vetëm se shita një makinë. Ditën që ju më akuzoni se kam qenë me Habilajt, kam qenë në drekë me Ramën në Bruksel. Edhe të isha Saimir Habilaj, s’do të më dënonit  për vëllezërit”-është shprehur ish-ministri në gjykatë. Ka ministra që s’mbajnë përgjegjësi për vëllezërit e tyre trafikantë. Mua më kërkoni llogari për një makinë. Unë ia kam kushtuar jetën time ministrisë së Brendshme”, është shprehur Tahiri në sallën e gjyqit.