Sot shënohen 21 vjet nga vrasja e liderit demokrat të dhjetorit Azem Hajdari.
Ditën e sotme presidenti Ilir Meta ka zhvilluar homazhe, duke vendosur kurorën me lule te memoriali në nderim të Hajdarit.
Në një prononcim për mediat, Meta ka vlerësuar figurën dhe rolin e Azem Hajdarit në historinë e Shqipërisë.
“Sot ishte për detyrim të përkujtoja liderin e lëvizjes studentore sepse 12 dhjetori është dita më e rëndësishme e Shqipërisë dhe që vendosi vendin tonë në rrugën e duhur të demokracisë dhe zgjedhjeve të lira e të ndershme. Duhen mbrojtur nga të gjithë e me çdo çmim.”
Sakaq, tek Varrezat e Dëshmorëve janë zhvilluar homazhe në nder të Azem Hajdarit, organziuar nga kreu i Kuvendit Gramoz Ruçi. Të pranishëm në homazhe ishin Rudina Hajdari, deputetë e opozitës së re si dhe disa deputetë të PS.
Selia blu ka paralajmëruar mbajtjen e homazheve në orën 10:00 tek memoriali. Të pranishëm do të jenë, kreu i PD, Lulzim Basha, ish-kryeministri Sali Berisha si dhe familja Hajdari.
Mbetet për t’u parë nesë do të marrë pjesë në homazhet e PD edhe Rudina Hajdari.
