Zbardhen emrat e 28 prej 58 të arrestuarve në kuadër të megaoperacionit të Policisë së Shtetit të koduar “LIMIT”.
Ata dyshohen se janë anëtarë të 4 grupeve kriminale dhe ndodhen sot në Gjykatën e Krimeve të Rënda për vlerësimin e masës së sigurisë.
Emrat:
- Olger Bamllari
- Aleksander Pepi alias Bani
- Gjergji Çollaku
- Hysni Sadik
- Sokol Nesimi
- Aldo Nesimi
- Bilbil Shqalshi
- Besjan Balca
- Drini Balca
- Kristo Ruçi
- Andrea Caca
12 Emiliano Kalemi
- Rexhep Ipek (shtetas turk banues në Durrës)
- Eljon Jaho
- Festim Çorvaxhi alias Bajraktari
- Gjergji Muke
- Romeo Tare
- Enkelejdi Sadik
- Kristo Çobaj
- Gjergji Çobaj
- Besjan Zenel
- Bektash Zenel
- Edmir Ballia
- Eduart Hoxha
- Arber Brahimi
- Fejzo Dana
- Agron Manka
- Ertin Hoxhalli
“Limit” – Policia arrestoi të premten (13 shtator) 56-vjeçarin H. S., banues në Korçë, i dyshuar si pjesëtar i një prej katër grupeve të strukturuara kriminale, të shkatërruara më herët gjatë operacionit, duke e çuar numrin e të ndaluarve në 58.
Ndërsa vijon puna për kapjen e 7 personave të tjerë të shpallur në kërkim.
Operacioni u finalizua pas një hetimi 3-vjeçar, për goditjen e veprimtarisë kriminale të këtyre grupeve që ushtronin veprimtarinë në fushën e narkotikëve dhe të trafiqeve të paligjshme.
Ky operacion u ndërmor nga Policia e Shtetit, nën drejtimin e Prokurorisë së Krimeve të Rënda, në bashkëpunim me Policinë Greke dhe me koordinimin e SELEC-ut.
Gjatë operacionit në Shqipëri dhe Greqi u sekuestruan rreth 320 kg kanabis, 7.5 kg Kanabis në formë çokollate, 2.4 kg Kokainë, laboratorë për kultivim të bimëve narkotike, 3800 fara kanabis, fishekë luftarakë, si dhe janë asgjësuar parcela me bimë narkotike të kultivuara.
Gjatë periudhës së hetimit 2016 – 2019, është shkëmbyer në kohë reale informacion me partnerët tanë nëpërmjet SELEC-ut për aktivitetin kriminal të personave të përfshirë në këto grupe kriminale dhe si rezultat, nga autoritetet policore greke janë arrestuar 34 persona, të cilët ushtronin aktivitetin kriminal të trafikimit dhe shpërndarjes të narkotikëve.
Ndërsa gjatë operacionit “Limit” të zhvilluar në Shqipëri, u arrestuan 23 persona dhe 8 u shpallën në kërkim, njëri prej të cilëve u kap mëngjesin e sotëm nga Policia e Shtetit.
Nën drejtimin e Prokurorisë së Krimeve të Rënda vijon puna për dokumentimin e plotë të aktivitetit kriminal të këtyre grupeve të strukturuara kriminale, me qëllim identifikimin dhe arrestimin e anëtarëve të tjerë të përfshirë.
