Laçi gdhihet nën ujë, përroi del nga shtrati dhe përmbyt gjithë qytetin

Vendi po kalon një gjendje emergjence si pasojë e motit të keq.

Shirat e dendura që ranë në mesnatë kanë shkaktuar përmbytje totale në qytetin e Laçit.

Qindra hektarë tokë dhe banesa janë nën ujë pasi edhe përroi që ndodhet në qytet ka dalë nga shtrati.

Shkak për këtë fenomen nuk janë bërë vetëm reshjet e dendura por dhe ndërtimet pa leje në shtratin e tij.

Dhe pse ky përrua ka shkaktuar shpesh përmbytje që kanë sjellë dëme të mëdha në bizneset e banesat e qytetit, askush nuk ka ndërhyrë gjate gjithë këtyre viteve për reabilitimin e tij dhe për prishjen e objekteve pa leje.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kujtojmë se para disa vitesh ky përrua mori me vete një makine në të cilën ndodheshin babë e bijë te cilët humben jetën dhe u gjeten rreth 1 kilometer nga vendi ku i mori uji.

Gjithashtu reshjet e dendura të shiut kanë krijuar probleme edhe në zonën e Fushë Krujës, ku uji kishte hyrë që mbrëmë në katet e para të pallateve.

Forcat zjarrfikëse kanë ndërhyrë për të evakuuar personat në rrezik.