Kryetari i Partisë Demokrkatike ka zhvilluar një takim me presidentin Ilir Meta në zyrën e këtij të fundit.
Mësohet se takimi ka zgjatur përreth 35 minuta në ambientet e Presidencës dhe si fokus ka qenë situata e trazuar politike që po kalon vendi.
Ky takim mes të Metës dhe Bashës vjen pas vizitës që pati përfaqësia e Komisionit të Venecias në vendin tonë, ndërkohë që brenda javësh opozita pritet që të rifillojë protestat për rrëzimin e qeverisë Rama.
Tashmë janë djegur të gjitha afatet dhe për 13 Tetorin, datën e dekretuar nga ana e presidentit Meta për zgjedhjet lokale.
Gjatë gjithë këtyre muajve të krizës politike në vend, Meta është takuar të paktën tre herë me kryeopozitarin Basha, ndërsa nuk ka arritur që të ulë në tryezë kryeministrin Rama, i cili vijon me tezën e tij, se mandatin do ta çojë deri në fund.
