Klithmë malli /Landi: Më ktheni Dr Florin

Pesë vite më parë artisti shumë i dashur  për publikun Dr, Flori ndërroi jetë. Por ndonëse kanë kaluar disa vite nga humbja e  këngëtarit të njohur, miqtë e tij vijojnë ta kujtojnë vazhdimisht përmes postimeve dhe dedikimeve të veçanta që I bëjnë në rrjetet sociale, i fundit është edhe një postim që vjen nga miku i tij më i mirë dhe pjesëtari i grupit muzikor West Side Family, Landi Hysi, i cili është kthyer pas në kohë duke publikuar një foto në Instagram, nga një periudhë që shumë njerëz do të bënin çmos për ta kthyer sërish. Në foton në fjalë Landi shfaqet krah Dr.Florit, Armir Shahinit dhe Flaka Krelanit.

Artisti ka në dorë një trofe, e cila nëse dikur e ka lumturuar, tani nuk i bën përshtypje fare. “Në djall trofetë. Të gjitha! Më ktheni Dr.Florin!”, ka shkruar ai krahas fotos dhe është mëse e qartë që çdo shkronjë pasqyron një dhimbje të madhe që as koha nuk ka ditur ta zbehë. Landi është kujdesur shumë për familjen e Dr.Florit, duke u kujdesur për to dhe mbështetur sikur të jetë familja e tij