Kapet një tjetër gomone në ujërat greke, arrestohet trafikanti shqiptar

Vetëm pak ditë pas operacionit spektakolar, një tjetër gomone shqiptare ka rënë në duart e policisë greke.

Ditën e sotme një gomone ka vënë në alarm rojet bregdetare të antidrogës ELAS.

Mediat vendase shkruajnë se rreth 15.30 autoritetet e ishullit Egjinas kanë zbuluar gomonen me një të huaj në bord.

Sipas të njëjtave burime bëhet fjalë për një shqiptar, i cili dyshohet se është i përfshirë në një tjetër rast të trafikut të drogës.

Gomonia e tij kishte ngecur pasi u ndoq nga snajperistë jashtë bregdetit të Lesvos. Operacioni është në zhvillim e sipër, ndërsa dyshohet se bëhet fjalë për të njëjtin grup kriminal shqiptar që transportonte kanabis drejt Turqisë në këmbim të heroinës.