‘Je i preferuari im’ Meta merr me të mira Finon, sqaron keqkuptimin: Skam asgjë personale me ty

Në mbledhjen që po mbahet në Komisionin Hetimor, presidenti Meta i është përgjigjur edhe Bashkim Finos.

Fino e pyeti Metën se nëse qeveria socialiste do ta votonte për ta shkarkuar a do e respektonte ai këtë vendim.

Meta në fillim sqaroi Finon se nuk ka asgjë personale me të pavarësisht perceptimit të gabuar që është krijuar nga mediat dhe shtoi se Fino ishte socialisti i tij i preferuar.

REPLIKA META-FINO

Bashkim Fino: Jemi të dy me eksperiencë në politikë, por mua më keni krijuar bindje se jeni i anshëm, dhe jo mbi palët. Tani unë kam një tjetër pyetje. Nëse qeveria ju shkarkon, a do ta zbatoni vendimin për shkarkim?

Ilir Meta: Kam marrë vesh nga mediat se keni një perceptim se mendoni se kam një problem personal me ju. Jo s’kam asgjë me ju. Keni qenë gjithnjë i preferuari im. Sa për palët, dua t’ju kujtoj juve se kam qenë mbi palët për çështje madhore. Kujtoni reformën në drejtësi. Pse nuk mendoni ju për vendimet e mia, për rolin tim si president. Pse duhej nxituar aq shumë? Për të bërë zëvendësime në bllok?