Iu refuzua azili në Francë dhe Belgjikë, riatdhesohen 31 shqiptarë

31 shqiptarë që kishin kërkuar azil në Francë dhe Belgjikë janë rikthyer në Shqipëri.

Ky operacion u zhvillua në bashkëpunim me Policinë Kufitare, franceze dhe atë belge. Gjatë fluturimit të përbashkët mes Francës e Belgjikës u kthyen 31 shqiptarë, që iu refuzua kërkesa për azil, ndër ta 27 shtetas nga Franca dhe 4 nga Belgjika.

Ministria e Brendshme bën thirrje shqiptarëve që të mos kërkojnë azil në vendet e BE-së pasi Shqipëria bën pjesë në grupin e shteteve të sigurta dhe se shanset për të përfituar azil janë pothuajse “zero”.