LIGJET E BIZNESIT
Mbrëmjen e djeshme, në fillim të ndeshjes Francë-Shqipëri e vlefshme për kualifikimet në kampionatin europian të futbollit “Euro 2020” ndodhi një incident aspak i këndshëm.
Në vend të himnit shqiptar, organizatorët kanë vendosur himnin e Andorrës, një ngjarje e paprecedentë kjo, e cila irritoi jo vetëm lojtarët shqiptarë në fushë por edhe të gjithë tifozët shqiptarë që e ndiqnin nga ekrani.
Ndërkohë një gafë tjetër e pafalshme ndodhi në momentin kur u kërkua ndjesë nga organizatorët, ku u shprehën se i kërkonin falje Armenisë e jo Shqipërisë.
Por e gjitha ka qenë një ngatërresë edhe pse ndodhi në një nga stadiumet dhe shtetet më të rëndësishme të botës.
Këtë e ka zbuluar një media sportive franceze, RMC Sport. FFF ka një shërbim protokoll që bashkëpunon ngushtë me marketingun në menaxhimin e organizimit të një takimi ndërkombëtar, miqësor ose zyrtar.
Dhe përsa i përket himneve të skuadrave mike, shërbimet e Federatës Franceze të Futbollit i marrin nga UEFA nëpërmjet shërbimeve postare.
Por shërbimeve të FFF i kanë ardhur dy emaile sipas RMC Sport. Një për Shqipërinë dhe një për Andorrën pasi Franca të martën pret në të njëjtin stadium kombëtaren e Koldo Alvarez.
Duket se në adresë të shërbimeve të FFF kanë ardhur dy emaile dhe për ironi të fatit është hapur himni i Andorrës dhe jo ai i Shqipërisë.
Padyshim rastësisë nuk mund të justifikohet faji i FFF-së apo shërbimeve të saj dhe pse deri tani nuk është marë asnjë masë.
Trajneri Deschamps deklaroi se gabimi me himnin nuk duhet të ndodhë më ndërsa dhe vetë Presidenti francez i ka kërkuar ndjesë Edi Ramës, ndjesë e cila është pranuar nga kryeministri i Shqipërisë.
