I emocionuar, i hutuar, por njëkohësisht edhe i lumtur, Saimir Tahiri ka thënë fjalët e para për mediat, pas vendimit të gjykatës.
“Mu duk një gjë e tipit, je i pafajshëm po s’kemi këllqe ta themi. Dy vjet jam emëtuar si trafikanti më i madh i Shqipërisë, jam emëtuar si pjesë e një grupi kriminal, sot gjykata thotë që “jo nuk je trafikant”. Me sa kuptova, meqë kushërinjtë paskan përmendur emrin tënd, ju keni shpërdoruar detyrën. Kjo nuk është një fitore, por fillimi i një beteje. Është vendim qesharak. Sigurisht që do e apelojmë”, tha Tahiri.
Gjykata për Krime të Rënda shpalli fajtor ish-ministrin e Brendshëm Saimir Tahiri dhe vendos ta dënojë me 5 vite burg vetëm për shpërdorim detyre, duke hedhur poshtë akuzën për grup të strukturuar kriminal Me gjykim të shkurtuar 3.4 vite që do kthehen në shërbim 3 vite dhe 5 vite të mos kryejë funksione publike. Për të organi i akuzës kërkoi 12 vite burg.
