Në këtë seancë plenarë të parë për sezonin e ri, deputetja Rudina Hajdari ka mbajtur një qëndrim disi të fortë.
Hajdari duke replikuar me kreun e gr. Parlamentar të PS-së, Taulant Balla në lidhje me çështjen e reformës zgjedhore i kujtoi atij se për këtë gjë duhet konsensus i gjerë dhe jo vetëm fjalë në parlament.
Hajdari më tej sfidoi Ballën, duke i thënë se për të menduar për një reformë të tillë, fillimisht duhet të largohet Damian Gjiknuri nga pozicioni i bashkëkryetarit të komisionit për Reformën Zgjedhore.
“Zoti Balla ju e dini shumë mirë që duhet një bashkëpunim për reformën zgjedhore. Si fillim duhet të ndryshohet bashkëkryetari i atij komisioni. E dyta unë dua të di nga ju se përse merreni me pasojën dhe jo me shkakun. Dhe tani thoni dhe vini këtu duke thënë se duhet të ndryshohet ligji. Jeni ju që i sillini këta lloj njerëz në parlament. Nëse kryetarët do të zgjedhin kandidatët, këtu do të vazhdojnë të vijnë njerëz kriminelë.”- tha Rudina Hajdari.
