Karabinierët e kompanisë së Riva del Garda kanë shkatërruar sot në mëngjes një bandë shqiptarësh, të drejtuar nga një serb, duke prangosur shtatë persona, ndërsa dy të tjerë janë në arrest shtëpie.
Vjedhjet e bandës ku kishte shqiptarë, italianë dhe serbë janë kryer në një sërë vendesh në Borgo Chiese por edhe në qytetin e Brescia-s. Banda grabiste më së shumti qendra tregtare dhe makina. 13 vjedhje në qendra tregtare dhe 7 vjedhje makinash janë zbardhur deri më tani nga policia, e cila hetimet për grupin i nisi që vitin e kaluar. Nga kalkulimet rezulton se nga vjedhjet e bëra, shqiptarët dhe kapobanda serb kanë arritur të përfitojnë mbi 100 mijë euro.
Të arrestuarit:
Endri Çaushaj, i lindur në vitin 1986
Ardian Muça, lindur në vitin 1980
Migen Capatina, i lindur në3 vitin 1989
Bledar Bashmeta, i lindur në vitin 1978
Besart Mehmeti, i lindur në vitin 1985
Marco Ramunno, i lindur në vitin 1987
Lorenzo Macall, i lindur në vitin 1991
