Gjak në derbi Tirana-Partizani, përleshen tifozeritë para ndeshjes

Incident mes tifozerive në nisje të derbit Tirana – Partizani. Grupimet e tifozëve të të dyja skuadrave janë përleshur, pasi kanë arritur çajnë rrethimin e rojeve të sigurisë në “Selman Stërmasi” dhe kanë zbritur në fushë.

Me stadiumin e mbushur plot, ka qenë e vështirë për rojet e sigurisë që të ndalojnë përshkallëzimin e dhunës, ku dhjetëra tifozë të Tiranës janë parë të vrapojnë drejt sektorit të tifozëve të Partizanit.

Në fushë janë futur edhe disa forca policie dhe janë marrë masat për të parandaluar veprime të tjera të dhunshme nga të dy palët. Tifozët e të dy skuadrave janë përleshur shpesh me njëri-tjetrin edhe në rrugët e qytetit, ndërsa nuk humbasin ndeshje për të “goditur” kundërshtarët me pankarta ironike.

Me fillimin e ndeshjes sherri ia ka lënë vendin fishekzjarrëve, koreve ofenduese dhe pankartave ironike. Ndërkohë, në tribunën kryesore, nuk kanë munguar edhe tifozët VIP, si Zëvendëskryeministri Erion Braçe, tifoz i flakë i Partizanit, Guvernatori i Bankës Gent Sejko, por edhe Presidenti i FSHF, Armand Duka dhe sportisti Florian Marku.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern