Gazetari thumbon gjykatësit e Tahirit: Ta kenë parasysh që gjyqin po e ndjekin përfaqësuesit e ambasadës së SHBA

Gazetari i njohur invetsigativ, Artan Hoxha ka reaguar në lidhje me gjyqin e ish-ministrit të Brendshëm, Saimir Tahiri dhe vitet e burgimit që ka kërkuar Prokuroria.

Me ironi Hoxha shprehet se organi i akuzës nuk ka “zhgënjyer” dhe i ka qëndruar bindjes se ka prova për të shpallur Tahirin fajtor.

“Organi akuzes nuk ka “zhgenjyer”, i ka qëndruar bindjes se vet se i ka provat për ta shpallur Saimir Tahirin fajtor.”- shkruan Hoxha ndër të tjera

Më tej ai thekson se pret me padurim të shohë nëse trupi gjykues gjatë dhënies së vendimit do të ketë apo jo parasysh që seanca po zhvillohet nën monitorimin e përfaqësuesve të Ambasadës Amerikane.

Postimi i plotë:

Deri tani gjithcka brenda parashikimit…

Organi akuzes nuk ka “zhgenjyer”, i ka qëndruar bindjes se vet se i ka provat për ta shpallur Saimir Tahirin fajtor.

Tre prokurorët e Prokurorisë se Krimeve te Renda, Arenc Çela, Dritan Prençi dhe Vladimir Mara, kërkuan sot para gjykatës dënimin me 12 vite burg(8 vite për shkak te gjykimit te shkurtuar) për ish-ministrin e brendshëm Saimir Tahiri.

Tahiri akuzohet nga Prokuroria e Krimeve te Renda, si asnjë zyrtar tjetër i larte i shtetit shqiptar me akuza shume te renda për “korrupsion të zyrtarëve të lartë”, “trafik të lëndëve narkotike kryer në bashkëpunim” dhe “pjesemarrje ne grup të strukturuar kriminal”.

Te shohim nese trupi gjykues gjate dhenies se vendimit, do ta kete parasysh faktin se seanca po zhvillohet si gjithnje, me pjesemarrjen dhe monitorimin e panderprere te perfaqesuesve te Ambasades Amerikane.

Kampionati vazhdon….