Gazetari Telnis Skuqi ka sfiduar kryebashkiakun socialist të Gjirokastrës Flamur Golemi duke e pyetur publikisht në lidhje me kohën se kur e ka mbaruar shkollën e mesme.
Skuqi me anë të një postimi në rrjetet sociale se shkruan se Golemi në CV e depozituar në Kuvend kur ishte deputet thotë se ka mbaruar gjimnazin e Fierit në 1996, ndërsa studimet i ka nisur në 1992.
Ndërsa në formularin e dekriminalizimit ai jep një version tjetër, që studimet e shkollës së mesme i ka nisur në 1990 dhe i ka mbaruar në 1994.
POSTIMI I GAZETARIT TELNIS SKUQI
SKANDAL/ FLAMUR GOLEM «HARRON» VITET E GJIMNAZIT
Një njeri që nuk di të saktësoj vitet e gjimnazit dhe që pretendon të drejtoj bashkinë më të madhe të jug të vendit, nuk është as më shumë dhe as më pak një falsifikator.
Ky quhet Flamur Golemi.
Mjafton pak vëmendje të dy deklaratat e tij, për të kuptuar se ai nuk mban mend vitet e rinisë.
Në CV e tij të publikuar në faqen zyrtare të Kuvendit të Shqipërisë, Golemi thotë se gjimnazin e Fierit e ka nisur dhe përfunduar nga viti 1992 deri në 1996.
Deri këtu bukuri.
Ndërsa në deklaratën e tij zyrtare të paraqitur sipas «Ligjit të dekriminalizimit» pranë KQZ, ai thotë se e ka nisur dhe përfunduar gjimnazin e Fierit nga viti 1990-1994.
Nëse vërtetë deklarata e tij e fundit tregon se Golemi ka përfunduar gjimnazin në vitin 1994, atëherë ai ka mashtruar opinion gjirokastritë, si dhe ka bërë deklarim të remë, sepse duhet të përgënjeshtroj CV që është publikuar në Kuvendin e Shqiperisë.
Shkurt fare, kryebashkiaku i Gjirokastrës, 43 vjeç sot, ka harruar të kalurën e tij.
Unë e sfidoj kryebashkuan.
Jam gati të provoj që ky njeri nuk e ka përfunduar kurrë gjimnazin e Fierit.
Nëse ai provon të kundërtën, atëherë unë do të kërkoj falje publike, si dhe do të tërhiqem nga gazetaria investigative.
Loja fillon.
