Ditën e sotme u zhvillua mbledhja e Këshillit të Lartë të Prokurorisë, ku u miratua lista përfundimtare me emrat e kandidatëve të cilët plotësojnë kushtet dhe do të vijojnë kështu garën për Kryeprokuror.
Sipas listës në garë kanë mbetur: Arta Marku, Olsian Çela dhe Fatjona Memçaj.
Këta të tre rezultojnë se plotësojnë të gjitha kushtet ligjore për të vazhduar garën më tej.
Duhet theksuar se kandidati tjetër, Lulzim Alushaj u skualifikua pasi nuk ploteson kushtin e pasjes 15 vjet përvojë pune.
Me fillimin e mbledhjes, Gent Ibrahimi, kreu i KLP-së, është shprehur:
“Sot Këshilli është në gjendje të vlerësojnë kandidatët të cilët plotësojnë kushte ligjore për të vazhduar garën për pozicionin e Prokurorit të Përgjithshëm. Anëtarët të Këshillit kanë shqyrtuar me seriozitet dosjen e çdo kandidati. Çdo anëtar i Këshillit do të shprehë mendimin e vet për plotësimin e kushteve ligjore të 4 kandidatëve në garë”.
