Fshehën një fëmijë në banesë, arrestohen 2 persona në Vlorë

Policia e Vlorës ka arrestuar dy persona, pasi fshehën një fëmijë të mitur në banesën e tyre.

Bëhet me dije se shtetasit e arrestuar janë :  A.N 66-vjeçe (gjyshja) dhe J.N 39-vjeç (babai) të dy banues në Vlorë. Ata ditën e djeshme në banesën e tyre në lagjen ‘Kushtrimi’ në Vlorë kanë fshehur fëmijën e mitur edhe pse punonjësit e Përmbarimit në Vlorë i kanë dhënë kujdestarinë nënës E.N 37-vjeçe.

Dy të arrestuarit do të përballen me akuzën për veprën penale të ‘Marrjes së padrejtë të fëmijës e kryer në bashkëpunim’.

NJOFTIMI ZYRTAR I POLICISE

Policia ka arrestuar në flagrancë shtetasit A.N., 66 vjeçe dhe J.N., 39 vjeç, banues në Vlorë.

Arrestimi i tyre është bërë pasi ditën e djeshme, në banesën e tyre në lagjen Kushtrimi  Vlorë kanë shkuar punonjësit e Zyrës së Përmbarimit Vlorë për të bërë ekzekutimin e vendimin të gjykatës për kalimin e fëmijës së mitur nënës së saj shtetases E.N., 37 vjeçe, por shtetasit e mësipërm kanë fshehur fëmijën me qëllim mosdorëzimin prindit tjetër.

Në vijim të veprimeve proceduriale, Policia e Vlorës ka bërë arrestimin e shtetasve A.N dhe J.N për veprën penale;Marrja e padrejtë e fëmijës, e kryer në bashkëpunim; duke ia referuar rastin Prokurorisë për veprime të mëtejshme.