Tërmetet kanë vendosur në emergjencë edhe Financat. Ministria dhe strukturat e saj në varësi janë në gatishmëri të plotë. Ky dikaster njofton se po bashkëpunon me të gjitha ministritë e linjës, pushtetin vendor dhe strukturat e tjera që janë në terren, për t’u informuar mbi dëmet e shkaktuara nga kjo dukuri natyrore.
Edhe pse këto struktura po evidentojnë dëmet në terren, është ende herët për të llogaritur efektet financiare të këtyre dëmeve.
“Gjithashtu, ju bëjmë me dije se MFE, disponon të gjithë fondet e nevojshme për të përballuar situatat e shkaktuara nga fatkeqësi të tilla natyrore”, theksohet në njoftimin për shtyp.
Si institucioni, që ka në varësi Inspektoriatin Shtetëror të Mbikëqyrjes së Tregut, Ministria e Financave njofton se po koordinon gjithashtu me pushtetin vendor, kompanitë e ashensorëve dhe administratorët e pallateve për rritjen e ndërgjegjësimit për të bërë verifikimin e gjendjes së tyre teknike, pas situatës së krijuar nga tërmeti.
