LIGJET E BIZNESIT
Kryetari i PAA, Agron Duka është takuar ditën e sotme me ministrin e bujqësisë në Maqedoninë e Veriut, Trajan Dimovski dhe me sekretarin e përgjithshëm të kësaj ministre, Nefrus Çeliku.
Përmes një postimi në Facebook, Duka shprehet se, shteti fiqnj, ndryshe nga Shqipëria, në buxhetin e 2019 ka planifikuar 140 milionë euro, 107 nga të cilat për subvencione. Ndërkohë që Shqipëria vetëm 5 milionë.
“Një takim tejet miqësor me z. Trajan Dimovski dhe z. Nefrus Çeliku, përkatësisht Ministër dhe Sekretar i Përgjithshëm i Ministrisë së Bujqësisë, Pylltarisë dhe Ekonomisë së Ujërave në Maqedoninë e Veriut.
Kemi shumë për të mësuar nga fqinjët tanë lindorë, sidomos kur njihesh me faktin se në buxhetin e vitit 2019, mbështetja e planifikuar për bujqësinë është rreth 140 milionë euro. Nga këto, 107 milionë janë për subvencione. Ndërkohë, në Shqipëri, fondi i subvencioneve i miratuar në buxhetin e vitit 2019 për Ministrinë e Bujqësisë dhe Zhvillimit Rural, është vetëm 5 milionë euro.
Një diferencë e frikshme, e cila është një tjetër pikë që ilustron më së miri pse Shqipërisë i vendosen kushte për çeljen e negociatave dhe Maqedonisë së Veriut jo.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Zerimi i këtij hendeku të turpshëm është një sfidë që ne duhet të përmbushin edhe për dinjitetin e shoqërisë sonë. Fermerët kanë nevojë për mbështetje dhe jo për lëmoshë!”, shkruan Duka në reagimin e tij.
