Prezantohet njësia e re e Policisë së Shtetit, e cila do të ketë në fokus arrestimin e “të fortëve” që janë shpallur në kërkim.
Në pamje, njësia e quajtur “Enfast” shihet teksa po stërvitet duke ndaluar disa makina për kontroll. Me kapuç dhe të armatosur deri në grykë, efektivët e ENFAST dëgjohen tek thonë: Duart lart, mos lëviz, mos lëviz.
Ministri i Brendshëm Sandër Lleshaj ka prezantuar këtë njësi specialse, të quajtur Njësia e Kërkim Arrestimit.
Lleshaj ka parë nga afër disa veprime operacionale, pjesë e programit që po zhvillon Njësia që prej disa javësh nga dita e krijimit të saj.
. Nga fotot bie në sy se një pjesë e tyre janë ushtarakë, që vijnë nga radhët e Forcave të Armatosura, ndërsa pjesa tjetër nga Policia e Shtetit.
“Kjo Njësi, e cila do të jetë një ndër Njësitë elitë të Policisë Shqiptare, do të jetë pikërisht prova e këtij angazhimi serioz, për të kërkuar kudo që të jetë dhe për të vënë para drejtësisë këdo që ka llogari të hapura me të. Kjo është e para që dua t’iu them.
E dyta, kjo Njësi do të jetë edhe një element i rëndësishëm bashkëpunimi me partnerët tanë ndërkombëtar, për arsye se së shpejti, Njësia do të jetë pjesë e rrjetit europian të njësive që merren me kërkimin e personave që i janë shmangur drejtësisë“, – u shpreh Sandër Lleshaj.
Është shumë e rëndësishme që të përcjellim mesazhin: “Drejtësia mund të vonojë, por kurrë nuk harron”. Ju jeni dëshmia dhe prova, kapaciteti që ne i japim qytetarëve shqiptarë, garancia se drejtësia në Shqipëri nuk do të harrojë askënd që i është shmangur asaj. Kjo Njësi, e cila do të jetë një ndër Njësitë elitë të Policisë Shqiptare, do të jetë pikërisht prova e këtij angazhimi serioz, për të kërkuar kudo që të jetë dhe për të vënë para drejtësisë këdo që ka llogari të hapura me të.”, u shpreh Lleshaj.
