Drogë me kamion drejt Greqisë, në pranga 30-vjeçari shqiptar

Falë një operacioni të mirë koordinuar në Janinë është bërë e mundur ndalimi i  një sasie prej 951 kg kanabis. Mësohet se lënda narkotike e kapur ka ishte në pronësi të një 30-vjeçari shqiptar, i cili është vënë në pranga.

30-vjeçari shqiptar ishte gjurmuar që pasi kishte kaluar drogën në kufi dhe ishte në ndjekje të vazhdueshme deri sa mbërriti në qytetin e Janinës.

Sasia prej 951 kg kanabis 30-vjeçari e kishte fshehur në kamion, i cili rezulton të jetë i vjedhur.

Në pranga ka rënë drejtuesi i mjetit, teksa kanë nisur hetimet për të zbuluar se kujt i përket kjo sasi droge.

Hetuesit grek edhe pse pritën për të mësuar se kush ishin porositësit e kësaj lënde narkotike, nuk mund ta zbulojnë këtë gjë, pasi dyshohet se shqiptari e kishte kuptuar se ishte në gjurmim./Gazeta Si