Dorëzoi shenjat e gishtërinjve, ja çfarë bën Mark Babani pasi doli nga Prokuroria (FOTO)

Pas akuzave të ngritura nga Partia Demokratike, Prokuroria e Përgjithshme i ka kërkuar sot kryebashkiakut të Vaut të Dejës Mark Babani, dorëzimin e shenjave të gishtave.

Më pas Babani u paraqit në laboratorin e Policisë Shkencore për të kryer procedurën që i kërkoi organi i akuzës.

Ora Neës ka siguruar një foto pak minuta pasi Babani doli nga laboratory dhe shfaqet ulur në një lokal teksa konsumon një kafe.

Pas akuzave të ngritura nga Partia Demokratike, ditën e sotme Prokuroria e Përgjithshme ka bërë lëvizjen e rradhës, duke i kërkuar kreut të Bashkisë të Vaut të Dejës Mark Babani, të dorëzojë shenjat e gishtave.

Kërkesa është nisur me postë, ndërsa i kërkohet që shenjat e gishtave të dorëzohen në Institutin e Policisë Shkencore në Shkodër ose Tiranë.

Kjo e fundit më pas do të dërgojë të dhënat pranë njësisë së Dekriminalizimit.

Partia Demokratike në akuzat e ngritura për Babanin pretendon se socialisti është arrestuar më 4 prill 1994 në Itali, konkretisht në Siçili, për kryerjen e veprës penale: Vjedhje në rrethana rënduese, e kryer në bashkëpunim.

Ky është rasti i tretë i kryebashkiakëve socialistë që akuzohen nga Partia Demokratike, pas rastit të Valdrin Pjetrit në Shkoder dhe Agim Kajmakut në Vorë.