Digjet makina e një oficeri të Krimeve në Policinë e Shkodrës.
Ngjarja ka ndodhur rreth orës 04.00 të mëngjesit të sotëm dhe mësohet se makina është në pronësi të Arbër Dulit.
Raportohet se në momentin që ka marrë flakë, mjeti ka qenë i parkuar në lagjen “Mahalla e Çakajve” në Shkodër.
Mendohet se djegia është e qëllimshme.
Mjeti tip ‘Volkswagen Passat’ është djegur me benzinë sipas dyshimeve ndërsa është thyer edhe xhami para nga nxehtësia.
Mjeti është dërguar në policinë e Shkodrës dhe vijojnë hetimet për zbardhjen e ngjarjes.
Oficeri Arber Duli punon prej disa vitesh në Policinë e Shkodrës dhe së fundmi mban detyrën në Sektorin e Krimeve.
