Doli i gjakosur nga banesa, dalin detaje të rënda nga plagosja e punëtorit në Tiranë
Vijojnë të dalin detaje të tjera nga ngjarja e rëndë që tronditi kryeqytetin ditën e sotme, ku një punëtor 51 vjeçar u godit me thikë nga pronari i shtëpisë në kohën që po kryente punime në banesën e këtij të fundit.
Mësohet se pronari 44-vjeçar Stefan Agolli, i cili është dënuar më parë për vjedhje në autobuzës urbanë, kishte pak javë që ishte kthyer nga Greqia ku kishte punuar dhe tani po bënte punimë për rikonstruksionin e tualetit të banesës.
51-vjeçari Dashamir Leçini kishte marrë përsipër suvatimin e tualetit dhe shtrimin e tij me pllaka. Mbrëmjen e së premtes mes pronarit dhe punëtorit nisi një konflikt fizik pasi pronari kishte pakënaqësi për ritmin e punimeve si edhe cilësinë e tyre.
Në konflikt e sipër pronari i banesës e qëlloi në shpinë me mjetet e punës 51 vjeçarin Dashamir Lecini teksa ky i fundit ishte duke punuar. Kanë qenë fqinjët ata që kanë parë 51 vjeçarin të dalë i gjakosur nga banesa dhe kanë njoftuar policinë, e cila arrestoi në flagrancë autorin. Stefan Agolli akuzohet për veprën penale “plagosje e rëndë me dashje”. I plagosuri u transportua në spitalin e traumës jashtë rrezikut për jetën.
