Deputeti i propozon Ramës një fond special: Ka ardhur koha të mos ia shtrijmë dorën askujt

Gjatë diskutimit në grupin parlamentar të Partisë Socialiste, deputeti Paulin Sterkaj ka kërkuar që të mendohet për një fond më madh për rastet e emergjencës.

“Tani kjo gjë kaloi dhe për fat të mirë nuk pati dëme te mëdha. Unë do isha në i miendimit që ne na ka ardhur koha që të krijojmë një fond special për rastet emergjente. Ne kemi fatin që të jemi në një zonë sizmike dhe duhet ta ngremë këtë fond për të mos ia shtrirë dorën askujt, por që t’ia dalim vetë.”- tha Sterkaj

Ndërsa kryeministri Rama iu përgjigj se fondi është dhe i mjaftueshëm, ndërsa për tërmete të tjera sigurisht që do duhej ndihma nga jashtë.

“Ne e kemi shfrytëzuar maksimalisht aksesin në media për të njoftuar opinionin publik. Për sa i përket fondit, ai është gjithmonë në buxhet. Për fat të mirë me këtë masë dëmesh ne jemi të qetë nga pikëpamja e kapacitetit mbulues. Kur tërmetet e kalojnë kufirin e të përballueshmes, edhe qeveritë më të mëdha i drejtohen solidaritetit ndërkombëtar.

Mua më kanë marrë në telefon, presidenti i Italisë, i Francës dhe kancelari austriak, më tutje presidenti i Turqisë sepse lajmi ka qenë tronditës. Duhet trajtuar edhe ccështja e sigurimit të banesave, që duhet të rishikohet. Është e domosdoshme që të ketë një tjetër hap për sigurimin nga fatkeqësitë.”- tha Rama.