LIGJET E BIZNESIT
Pas vendimit të djeshëm të Gjykatës së Krimeve të Rënda, e cila e dënoi me 4 vite burg Saimir Tahirin, vite që u konvertuan në 3.4 shërbim prove për ish-ministrin, ka ardhur dhe reagimi i Ambasadës së SHBA në Tiranë.
Ambasada në një reagim të fortë e cilëson këtë vendim si shkurajues duke pasur parasysh sa të rënda ishin akuzat që u përball ish-ministri.
“Ata që shpërdorojnë besimin publik dhe shkelin ligjin duhet të përballen me pasoja domethënëse”, shkruhet ndër të tjera në njoftimin e ambasadës së SHBA.
REAGIMI I PLOTE I AMBASADES AMERIKANE
Vendimi i djeshëm kundër ish Ministrit të Brendshëm Saimir Tahiri demonstron pavarësinë në rritje të gjyqësorit dhe fillimin e fundit të pandëshkueshmërisë për personat me lidhje të forta. Ndërkohë që dënimi i zotit Tahiri për akuzën e shpërdorimit të detyrës sinjalizon një hap të rëndësishëm përpara, dënimi është shkurajues, duke pasur parasysh se sa të rënda ishin akuzat. Ata që shpërdorojnë besimin publik dhe shkelin ligjin duhet të përballen me pasoja domethënëse. Shtetet e Bashkuara do të vazhdojnë të mbeten partnerë të Shqipërisë, në mbështetje të përparimit të mëtejshëm të reformës në drejtësi, transparencës dhe qeverisjes së mirë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
