Avokati i Izet Haxhisë, Idajet Beqiri ka bërë një deklaratë shumë të fortë në lidhje me ngjarjen e 12 shtatorit 1997, ku u vra Azem Hajdari.
Në një intervistë në fax news, Beqiri u shpreh se nga ajo ngjarje ka ende shume aspekte të pazbuluara. Sipas tij Berisha është i vetmi dëshmitar i asaj ccështje dhe duhet të shkojë për të dhënë dëshminë e tij.
Më tej ai bëri dhe një tjetër deklaratë tronditëse, duke thënë se personat që ekzekutuan Azem Hajdarin, nuk shkuan për të, por për të vrarë Sali Berishën.
“Gjyqi ndaj Izet Haxhisë është politik. I vetmi dëshmitar ndaj tij është Sali Berisha. Berisha e ka implikuar Haxhinë me këtë çështje. Personat atë ditë erdhën për Berishën.
Makina me targa të Vlorës që do të kryente një ekzekutim, në vendin ku është vrarë Hazem Hajdari kishte që në mëngjes aty. Disa prej atyre personave që ishin brenda, sot ose janë në burg përjetë ose janë vrarë, ata nuk kishin objektiv të vrisnin Hazem Hajdarin, dhe aq e vërtetë ishte kjo, babai i Haklajve 1 ose 2 ditë më parë, kishte qënë në zyrën e Hajdarit.
Dhe i kishte treguar se si ishte vrarë djali i tyre, dhe Azem Hajdari i ka thënë: Nëse unë kam lidhje me vrasjen e djalit tënd, ma hiqni kokën. Babai i Haklajve ishte bindur që ai nuk kishte dorë. Ata nuk kishin ardhur për Hajdarin atë ditë, por për Berishën. Fokusi i tyre ishte të vritej Sali Berisha. Berisha e dinte që ata kishin ardh që në mëngjes, që ishin të armatosur, pasi mbesa e tij i ka treguar.
Berisha nuk mori asnjë masë. Ky ka qënë kryeministri i vendit. Nuk telefonoi ministrin e brendshëm por mori Hajdarin ”Kush janë ata që kanë ardhur, dil merru ti me ata”. Berisha kur u vra Azemi nuk telefonoi organet tona të policisë’. Berisha telefonoi Ambasadën Amerikane. Haxhia e pati mundësinë të largohej jashtë vendit. Por ai nuk e bëri një gjë të tillë.”- tha Beqiri.
