Dalin emrat, kush janë 4 ekspertët e opozitës që do ulen në tryezën e thirrur nga OSBE

Pas rreth 60 minutash takimi me aleatët në selinë blu, Basha vendosi që nesër opozita e bashkuar do të përfaqësohet nga kater ekspertë në tryezën e thirrur nga OSBE në lidhje me Reformën Zgjedhore.

Mësohet se ekspertët përfaqësues të opozitës do të jenë Ivi Kaso dhe Oerd Bylykbashi nga PD, Muharrem Caka nga LSI dhe Arjan Madhi nga PR.

Ende nuk dihet nëse dhe mazhoranca do të ndjekë të njëjtën rrugë duke u përfaqësuar kështu në nivel ekspertësh.

Pjesë e kësaj tryeze do të jenë dhe anëtarët e Komisionit Ad-Hoc për Reformën Zgjedhore që bashkëkryesohet nga Damian Gjiknuri dhe Rudina Hajdari.