Ditën e sotme ish-kryeministri Sali Berisha ka hedhur akuza të forta në drejtim të kryebashkiakut të Tepelenës Tërmet Peçi, duke thënë se i ka dhënë titullin “Qytetar Nderi” një personi i cili ka urdhëruar internimet e qindra familjeve në jug të vendit në periudhën e diktaturës komuniste.
Berisha shton se Manxhar Binaj ka qenë në krye të Komitetit të Partisë në Tepelënë, Vlorë dhe Gjirokastër në vitet 70-80 dhe ka firmosur urdhërat për internime dhe burgosje të dhjetëra-qindra familjeve.
DENONCIMI I BERISHËS
Nderohen krimet e diktatures te Enver Hoxhes, Hitlerit shqiptar te Pasluftes!
Termet Trafiku shpall me porosi te Edvin Kristaq Rames qytetar nderi nje xhelat te vertet te Jugut te vendit, qe ka firmosur internimin, burgosjen, persekutimin e qindra e qindra personave dhe familjeve te tera ne Jugun e Shqiperise.
Miq, Tërmet Trafiku i akordon personalisht xhelatit te diktatures Manxhar Binajt, titullin “Qytetar nderi” i Tepelenës. Ky xhelat ne detyrat e tij te larta qe ka kryer është personi që ka firmosur urdhëra për internime dhe burgosje të dhjetëra-qindra familjeve tepelenase, gjirokastrite dhe vlonjate kur ka qenë në krye të Komitetit të Partisë në Tepelenë, Vlorë dhe Gjirokastër ne vitet e zeza ’70-‘80.te diktatures staliniste te Enver Hoxhes!
