Basha me banorët e Durrësit: Tërmeti me pasoja

Kryetari i Partisë Demokratike Lulzim Basha ka takuar banorët e shtëpive që janë prekur nga tërmeti në Durrës. Ai garantoi mbështetje për banorët, teksa gjatë bisedës me ta, u njoh edhe me problemet që i shqetësojnë.

Durrësi ishte qyteti më i prekur nga tërmetet që kanë rënë në Shqipëri, teksa më i fuqishmi ishte ai me magnitudë 5.8 ballë i ditës së shtunë. Prej dy netësh qytetarët janë ndjerë të frikësuar dhe një pjesë e tyre ka braktisur banesat dhe po flenë në çadra e ngritura nga Emergjencat. Qeveria ka nisur punën duke ngritur grupet e punës për verifikimin e dëmeve në terren.