Ballë për ballë në Komision: Manja i shpjegon Metës arsyet se përse do të shkarkohet

Ka nisur mbledhja e Komisionit Hetimor, ku i pranishëm është dhe presidenti Ilir Meta.

Kryetari i Komisionit, Ulsi Manja i ka shpjeguar presidentit procedurën për ngritjen e komisionit si edhe thirrjen e tij për të dëshmuar.

‘Ju bëj me dije zoti President se Komisioni hetimor bazuar në ligjin për komisionet hetimore, ka miratuar planin hetimor të këtij komisioni. Në planin e hetimeve është parashtruar thirrja e rrethit të hetimeve. Në mbledhjen e sotme komisioni ju ka thirrur për të dëshmuar si personi ndaj të cilit Kuvendi ka iniciuar një procedurë shkarkimi nga detyra juaj si president për shkelje të rëndë të Kushtetutes.

Ju mund të jepni sqarimet tuaja, keni të drejtën të depozitoni cdo provë që ju besoni se e sqaron vendimin tuaj, brenda një afati të arsyeshëm që lidhet me afatin e  punës së Komisonit. Ju nuk jeni i detyruar të dëshmoni për faktet dhe rrethanat që përbëjnë sekret shtetëror, ju keni të drejtën që të kërkoni që kjo pjesë e dëshmisë suaj të bëhet me dyer të mbyllura.

Kjo mbledhje do të incizohet me qëlim, zbardhjen e dëshmisë’, tha Manja.

Më shumë nga fjala e Manjës:

Duke falenderuar së pari presidentin e republikës që pranoi të jetë i pranishëm. Përpara se të veprojmë me procedurat dëshiroj të ndaj me ju disa konsiderta për objektin, rolin, dhe punën e këtij komisioni.

Çëhtja është e një rëndësie themelore për Republikën. Qëllimi i punës së këtij komisioni është më i gjerë. Ky komision nëpërmjet diksutimeve, debatit, konfirmimit ose jo nga gjykata kushtetuese është të zbërthejë dhe të sarojë funksionin e parimit të ndarjes së pushteteve. Komisioni gjithashtu, duhet të mundohet të bëjë një shpjegim të plotë të rolit.

Komisioni në gjykimin tim duhet të shohë përtej rastit konkret. Respektimi i parimit të Kushtetutës vihet shpesh në provë për zgjidhjen e situatave të ndryshme. E vetmja garanci që sistemi ynë i qeverisjes të funksionojë është respektimi i sistemit kushtetues që kemi zgjedhur. Ndarja e pushteteve nuk është një dispozitë kushtetuese, por është një filozofi mendimi. Kushtetuta nuk parashtriondetaje për ushtrimin e kompetecave. Këto të nderuar kolegë ishin disa konsiderata të miat për çështjen në shqyrtim.