LIGJET E BIZNESIT
Sot shënohen plot 21 vite nga atentati që i mori jetën ish-deputetit të Partisë Demokratike Azem Hajdari.
Shumë figura të politikës shqiptare dhe jo vetëm e kanë kujtuar sot heroin e demokracisë duke shkruar plot mesazhe dhe statuse në nderim të tij.
Një prej tyre është dhe ish-kryeministri Berisha, i cili me anë të një statusi në rrjetet socialse shkruan se Azemi është gjallë dhe se Shqipëria 21 vite më parë ka përjetuar vrasjen e shekullit të 21-të.
Sipas Berishës, ata që kryen vrasjen e Hajdarit do marrin gjithmonë ndëshkimin e historisë.
Më tej, Berisha shton se ‘duhet të ngrihemi në lartësinë e guximit epik të tij dhe të hedhim në koshin e plehrave të historisë narkoshtetin dhe regjimin e kakistokracise të Edvin Mafise dhe klikës së tij kriminale’.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
STATUSI I PLOTE I ISH-KRYEMINISTRIT SALI BERISHA
Azem ti je gjalle!
Te dashur miq, si sot 21 vjet me pare Shqiperia perjetoi vrasjen e shekullit. Fallanga te zyrtareve kriminel me uniformen e oficereve te larte te policise ekzekutuan para selise se PD, sipas nje skenari politik, tribunin e lirise te shqiptareve, prijesin e Levizjes Studentore te Dhjetorit 1990, themeluesin e pluralizmit politik dhe Partise Demokratike, kryetarin e pare te saj, Azem Hajdari.
Azem ti je gjalle!
Ata, qe ne nje akt hakmarrje te verber ndaj tij per sistemin e baballareve xhelat dhe mizor qe ai permbysi, kryen me 12 shtator te vitit 1998 vrasjen e shekullit kane marre dhe do marrin gjithmone per aktin e tyre makaber ndeshkimin e historise
Kurse kujtimi dhe vepra e pavdekshme e Azem Hajdarit, legjendes se trimerise dhe guximit mbinjerezor te te riut shqiptar behet çdo dite, jave, muaj dhe vit qe kalon, me e ndritur dhe me madheshtore.
Sot mirenjohja me e thelle qe mund te shprehet dhe nderimi me i madh qe mund ti behet Azem Hajdarit, Liderit te Revolucionit Demokratik te Dhjetarit 1990, i cili se bashku me shoket dhe shoqet e tij studente u perball dhe permbysi ne dhjetor te vitit 1990 sistemin me monist te planetit, eshte te ngrihemi ne lartesine e guximit epik te tij dhe te hedhim ne koshin e plehrave te historise narkoshtetin dhe rregjimin e kakistokracise te Edvin Mafise dhe klikes se tij kriminale.
Azem ti je gjalle!
