Artan Hoxha publikon foton dhe emrin: Ky është ekzekutori i Santiago Malkos

Gazetari Artan Hoxha ka siguruar video nga ngjarja ku mbeti i vdekur Santiago Malko, ku duket mjeti i viktimës dhe mjeti i autorëve që ekzekutuan ish-policin. Në video duket mjeti me të cilin ka udhëtuar viktima.

Dyshohet që në këtë ngjarje janë përfshirë 8-10 persona të cilët e kanë mbajtur Malkon nën kontroll. Video e marrë nga pamjet e sigurisë në afërsi të një lokali pranë vendit ku ndodhi ngjarja.

Hoxha ka siguruar foton e një prej personave që dyshohet si një prej ekzekutorëve të Santiago Malkos. Në studion e Report Tv gazetari investigativ tha se ai është Fatmir Hyseni i cili njihet me nofkën Ndoçja nga Vlora.